2012 年 4 月 23 日 (星期二)
不得不承認，人就係貪平。
有朋友早我三個月懷孕，佢係搵開張國良醫生做查檢，收費應該全港最平。一次產檢只係收 HKD280，照埋超聲波，你話呢 D 專科價錢去邊度搵？但唯一嘅代價就係要等好耐。
我見上次我去黃醫生度照唔到 BB 性別，有點不甘心底下 Book 咗呢位張醫生。當日約咗 5:30 睇症，勢估唔到等到晚上 8:00 先輪到我睇，所以歐陽生好鐘意呢個安排，因為咁佢就唔洗特登向公司請假。不過我欣賞呢位醫生檢查得夠全面，包括驗尿、磅重、量血壓、觀察我呼吸頻率、摸肚等等。一般嘅私家產檢最多都只會磅重 + 量血壓兩樣。
但係平嘢當然要將就一下，佢哋個磅係十年前有個秤，要自己調較嗰種磅；血壓計亦係手泵，不過唔緊要啦，最緊要有做呢 D 檢查啫。但係唯一問題就係連部超聲波機都濛過人。而且醫生有兩個診症室，佢成日兩邊跑嚟跑去，真係幾好笑，不過我又唔係太介意，只要唔好調亂我 D 病歷就得啦。
當我訓上床照 BB 時，佢第一時間就幫我睇性別，結果開估係女仔，yeah！其實好多朋友都問我想生仔定女，我覺得性別唔輪到我選擇，所以我冇特別強求。而且只要 BB 健康，男仔女仔我都一樣愛錫。
醫生講嘢偏細聲，一來佢已經帶住個口罩，二來或者因為佢睇咗全日嘅症，正常都有返咁上下攰，往往佢講嘢好似只係講比自己聽。
話說照緊 BB 時，佢會講 "呢個係 XX，正常吖、呢個係XX，正常。"
當照到 BB 嘅脾仔時，醫生都係咁講，不過因為真係好細聲，我聽到佢話 "偏長" 而唔係 "正常"
所以我就問：咩話？正常定偏長？
醫生：偏長，但係都正常。
然後歐陽生就話：咁咪仲好，女仔喎，42" 長腿..... 正！
所有嘢 BB 都正常，只係比起正常 size 細咗 2 日，呢方面我有少少擔心，我成日都唔想 BB 偏細，因為我知自己食嘢唔夠均衡，驚佢營養不良。不過醫生話 2 日係少問題，好容易追返。
呢張就係 BB 嘅超聲波相，真係比起之前兩個專科醫生偏濛一 D
右邊係頭，左邊漲卜卜 d 嗰個係 body
醫生都知道我哋未必會明白，所以佢手繪咗幅圖比我參考，即係話佢喺我個肚入面倒樹蔥，利害利害：
醫生話到咗宜家 18W 其實可以唔洗額外補充葉酸，所以佢叫我唔洗再食 lu，但係鈣就要，因為 BB 開始發育佢 D 骨骼，如果我唔補鈣，好容易比佢扯晒我 D 鈣走，到時我可能會牙痛、腰骨痛，甚至小腿抽筋等等。佢開咗 6 星期嘅鈣片比我，total 有 48 粒，埋單都只係 HKD300，呢 D 專科醫生嘅價錢真係去邊度搵。暫時約就約咗會返去覆診，不過我宜家決定繼續喺黃醫生度做檢查，雖然張醫生平，但都未必咁樣兩邊睇 lu。除非我特別想見下 BB，又或者食晒 D 鈣片就或者考慮上去，^^。
祝願 BB 一切平安，Y
佢能夠健康出世就係我嘅心願！Y
不得不承認，人就係貪平。
有朋友早我三個月懷孕，佢係搵開張國良醫生做查檢，收費應該全港最平。一次產檢只係收 HKD280，照埋超聲波，你話呢 D 專科價錢去邊度搵？但唯一嘅代價就係要等好耐。
我見上次我去黃醫生度照唔到 BB 性別，有點不甘心底下 Book 咗呢位張醫生。當日約咗 5:30 睇症，勢估唔到等到晚上 8:00 先輪到我睇，所以歐陽生好鐘意呢個安排，因為咁佢就唔洗特登向公司請假。不過我欣賞呢位醫生檢查得夠全面，包括驗尿、磅重、量血壓、觀察我呼吸頻率、摸肚等等。一般嘅私家產檢最多都只會磅重 + 量血壓兩樣。
但係平嘢當然要將就一下，佢哋個磅係十年前有個秤，要自己調較嗰種磅；血壓計亦係手泵，不過唔緊要啦，最緊要有做呢 D 檢查啫。但係唯一問題就係連部超聲波機都濛過人。而且醫生有兩個診症室，佢成日兩邊跑嚟跑去，真係幾好笑，不過我又唔係太介意，只要唔好調亂我 D 病歷就得啦。
當我訓上床照 BB 時，佢第一時間就幫我睇性別，結果開估係女仔，yeah！其實好多朋友都問我想生仔定女，我覺得性別唔輪到我選擇，所以我冇特別強求。而且只要 BB 健康，男仔女仔我都一樣愛錫。
醫生講嘢偏細聲，一來佢已經帶住個口罩，二來或者因為佢睇咗全日嘅症，正常都有返咁上下攰，往往佢講嘢好似只係講比自己聽。
話說照緊 BB 時，佢會講 "呢個係 XX，正常吖、呢個係XX，正常。"
當照到 BB 嘅脾仔時，醫生都係咁講，不過因為真係好細聲，我聽到佢話 "偏長" 而唔係 "正常"
所以我就問：咩話？正常定偏長？
醫生：偏長，但係都正常。
然後歐陽生就話：咁咪仲好，女仔喎，42" 長腿..... 正！
所有嘢 BB 都正常，只係比起正常 size 細咗 2 日，呢方面我有少少擔心，我成日都唔想 BB 偏細，因為我知自己食嘢唔夠均衡，驚佢營養不良。不過醫生話 2 日係少問題，好容易追返。
呢張就係 BB 嘅超聲波相，真係比起之前兩個專科醫生偏濛一 D
右邊係頭，左邊漲卜卜 d 嗰個係 body
醫生都知道我哋未必會明白，所以佢手繪咗幅圖比我參考，即係話佢喺我個肚入面倒樹蔥，利害利害：
醫生話到咗宜家 18W 其實可以唔洗額外補充葉酸，所以佢叫我唔洗再食 lu，但係鈣就要，因為 BB 開始發育佢 D 骨骼，如果我唔補鈣，好容易比佢扯晒我 D 鈣走，到時我可能會牙痛、腰骨痛，甚至小腿抽筋等等。佢開咗 6 星期嘅鈣片比我，total 有 48 粒，埋單都只係 HKD300，呢 D 專科醫生嘅價錢真係去邊度搵。暫時約就約咗會返去覆診，不過我宜家決定繼續喺黃醫生度做檢查，雖然張醫生平，但都未必咁樣兩邊睇 lu。除非我特別想見下 BB，又或者食晒 D 鈣片就或者考慮上去，^^。
祝願 BB 一切平安，Y
佢能夠健康出世就係我嘅心願！Y
女好呀!!!good~~~^^
回覆刪除[版主回覆05/14/2013 13:54:18]yes! 我都係咁諗, 我鐘意佢嗲我哋, 應該會好 sweet~
正呀！小高知道係都流哂口水，第時仲要係長腿姐姐haha...恭喜恭喜！
回覆刪除[版主回覆05/15/2013 11:17:36]嘻嘻, 所以如果你手上有筍盤, 記得介紹比歐陽小B認識呀, wakakaka
我都同意, 仔女都無所謂, 健康就得。當佢出咗世,你就會更加覺得開心健康重要過一切。我個女超痴佢老豆, 冧到佢老豆不得了。我成日呷個女醋, 佢錫老豆多過我。
回覆刪除[版主回覆05/16/2013 11:04:53]冇錯, 事實都證明囡囡都痴爸爸多D, 就好似我宜家 feel 到胎動咁, 永遠當我老公同BB講嘢時BB都一定會比反應, 但係我對住個肚日講夜講, 阿B都當我唱歌......
42吋長腿~~~~~~~~~~~~~~~~~好迷人!
回覆刪除[版主回覆05/16/2013 11:05:13]所以佢可能係萬人迷吖.... XD
女仔好開心呀~仲要長腿~
回覆刪除差2日無問題~其實超聲波都係估既~仲有舊機估既又有偏差呢~
其實bb大約5個月左右先開始發育晒所有器官架~到時先開始識得真正吸引~所以之後努力實追得番~
[版主回覆05/20/2013 10:44:54]已經追返晒啦, 對上一次做產檢仲話BB大咗3日添呀!
hello~
回覆刪除我都係9月媽媽呀, 預產期係9月中, 咁啱睇到你個blog, 有好多野我地好似呀, 我又係上年12月不設防就即刻中左喇, 初期又係咩懷孕癥狀都無, 果種忐忑不安的心情同你好似呀, 不過有一樣唔同係我果個係baby boy, 大家多多交流呀
[Yan回覆05/29/2013 11:15:41]我都好開心無意中搵到你呀, 搵到同路人
我都有睇bk, 不過唔多留言呀~
花園街個開倉星期日都開架, 2pm-6pm, 遲d我再同朋友去, 話唔定o係上面遇到
[版主回覆05/29/2013 11:02:44]hello~~~ 好嘢, 識到位準9月媽媽, 我哋可以透過 yahoo blog share 資訊啦! 你平時有冇上開BK? 話唔定我哋已經喺BK傾過計, ^^
PS: 頭先入咗你個blog, 打算搵個星期六去你介紹嗰間花園街樓上舖買下BB衫先~~~ 星期日佢開嘛?
恭喜晒呀～～～～
回覆刪除[版主回覆06/26/2013 10:51:09]多謝晒呀, ^^