The day before showcase

2011 年 7 月 22 日 (星期五)

Hohohoho，終於都嚟到 show 前嘅大日子啦！捱過埋今日，就可以跳新歌，唔洗日日都 loop 住表演嗰兩隻歌啦，發達啦！ 我就快連發夢都識跳，呢兩隻歌會變成我嘅禁歌架啦！

Show 前一日，大會安排咗 lunch time 進行拜神儀式，祈求一連兩日嘅 showcase 順順利利！其實我冇特別宗教信仰，不過見大會咁有心特登安排喺 lunch time 搞（因為佢知我哋要返工），又見只係喺演藝學院咁近，有同學陪同底下就一齊去見識見識。（因為只有我同另一位同學喺灣仔區返工，所以都只係得我哋兩個做代表咋！）

到達演藝學院，我哋喺門口已經撞見工作人員，呢個就係我哋連續兩日 dancers 嘅出入口啦！以往成日睇 show，覺得可以入後台探班好鬼型，宜家自己都有機會啦，仲係以 dancer 身份添，哈哈，好白痴！

呢個就係我哋一連兩晚喺度表演嘅舞台啦！好似好大咁喎...

有好多個座位吖，唔知係咪坐滿呢？

估都估唔到原來就咁喺個 stage 上面拜神...

stage 嘅後面其實機關重重，無乜必要唔係 quick change 的話，其實都唔建議行過去架，因為到時會黑炆炆，隨時趴低咗都冇人知...

吉時到啦！大會請咗唔知 XXX 師父幫手切燒豬主持拜神儀式，老闆娘話呢位師父專係承接舞台 show，好多演唱會都係佢做喎。

勁！點香係用火槍！

一人一注香... 誠心 d，我就祈求兩晚 on show 時唔好仆低喺個台度，唔好甩舞，wakaka~

裝大香啦，幸好個花酒自動酒水器冇開著.... 個個變落湯雞，哈哈！

你睇老闆娘幾誠心~

搞完一大輪儀式，係時候影張大合照！

你睇，個個都係小朋友，其餘嗰 d 只係家長及工作人員，老闆娘特登就我哋喺 lunch time 搞，果然好重視我哋呢個 crossover，哈！

Panda's crew 雖然只得兩丁友，但係都要合照下嘅！

之後就開動個胃，食燒豬啦！塊皮真係好脆，"shop shop" 聲架！

醫好肚後，又係時候返公司捱埋下個晝，放工再趕返去演藝綵排。

 

 

夜晚去到演藝學院，工作人員帶咗我哋行一次 travel tour，目的等我哋知道舞台上嘅機關及出入口，到時摸黑都唔洗怕嘛，因為佢哋不停強調，後台會好好好黑！之後再同我哋去咗我哋嘅專用化妝室，見到自己個樣先好入去呀！

仲派發埋 pass，呢兩日出入後台都要靠佢。嘻，實在太期待啦！