Jenny's Blog: 8月 2011

2011年8月31日星期三

一年一度大事件!

究竟係 d 咩一年一度大事件呢?

咪就係開始計劃結婚週年紀念去旅行之嘛...

上個星期，驚覺原來就快到 8 月底，要 plan 11 月去旅行的話，應該要開始做資料搜集架啦! 搜得嚟旅行社就開始出 package, 咁就可以即刻扑鎚!

腦海中閃過好多地點...

澳洲 -- 老實講我 N 年前已經想去...

馬爾代夫 -- 雖然真係一個超靚嘅地方，但係去一鋪真係好甘...

布吉 -- 呢個可以考慮下喎...

沖繩 -- 本身對呢個地方冇乜特別興趣，但最近有兩位朋友去完返嚟，激讚噃...

斐濟 -- 呢個又係超想去嘅地方，趁仲未比人類破壞，其實斐濟係一個好靚嘅國家

歐洲 -- 暫時未有咁嘅 guts 兩條友自由塵衝出亞洲，可以免問...

綜合上述嘅 choices，發覺原來自己愛上咗 sunshine & beach 喎... 可能因為受上次沙巴影響... 今次本住係以 HEA 為大前提... 最終揀咗布吉。我哋兩個... 可以攤喺海灘上面，望住個海，睇下人游水，咁就可以過一個下午嘅人... 去布吉最啱!

揀佢... 亦因為 2003 年去過一次泰國蘇梅島，嗰次係我哋兩個第一次坐飛機去旅行。亦因為第一次去 plan 得唔好，去到蘇梅島好似咩都冇玩過就返咗香港，有 d 心有不甘... 去泰國點可以浪費架? 本來想去多次蘇梅，玩返 10 年前玩唔到嘅嘢，但既然有機會再出國，係咪應該揀一個自己未去過嘅地方先? 結果布吉就順理成章成為 2011 年結婚兩週年嘅目的地。

一個理直氣壯嘅藉口，仲唔拿拿臨去買本旅遊書做功課? 買咗一本，另一本問朋友借... 好嘢!

不過 plan 嘅時候都困難重重....

首先係旅遊書... 點解本本都係介紹 hotel / resort，而唔係玩樂? 咁豈不是我決定好住邊度後，本旅遊書變咗廢物?

好啦... 初步決定好酒店，揀 airline 時又發現只有港龍嘅飛機直航得嚟時間又靚仔，可惜我上個星期上 CX holidays check package 時結果係爆、爆、爆!!! 8 月咋喎? 係咪咁快 fully booked 呀? 現階段唯有排 waiting list & 試下其他旅行社會唔會有位啦!

再者... 去到選日子方面... 本身諗住 19 - 23/11，一嚟唔會影響到我 d 跳舞堂，二嚟 1121 當日又會身在布吉... perfect! 但再 check check 月曆，如果生理周期穩定的話，呢個時候我係唔方便呢，咁點游水呀? 唯有再睇多一個月先再 confirm 日子.... 唉~~~

好啦... 為咗遷就生理周期，延遲一個星期先出發啦... 點知回程冇位... 就算我點度期都度唔到 5D4N 有機位去有機位返... 而家... 可能加碼去 6D5N 先有位... 都好，玩多日咪玩多日囉~ 怕你呀?

2011年8月18日星期四

It's show time~~~

2011 年 7 月 23 & 24 (星期六 & 日)

轉眼間就嚟到 showcase 嘅大日子，一連兩日我都會喺灣仔演藝學院出現啦! 唔知點解，我冇緊張，但反而開始唔捨得。唔捨得大家一齊同甘共苦嘅日子，唔捨得大家一齊嘻嘻哈哈，為個 showcase 死捱死捱嘅日子...

第一日行程緊湊 d，我哋好早就到咗。化妝室只有我哋幾個人，想搵隻烏蠅拍下都冇。

由於上午仲要 rehearsal，所以晨早 9:00 就約咗化妝師去到演藝幫我 set 頭先。11:00 前我就要再 get ready rehearsal 到 13:00 先放飯。

變身後即刻有返晒眼耳口鼻，個髮型係其中一個同學仔幫我諗，佢話我個樣太賢妻良母喎，=_="

1st rehearsal 過後，當然係去醫肚啦！同學當中有一位係闊太，我哋嗰兩日出入都係由佢司機接送，仲霸埋佢架 7 人車。哇哈哈... 發兩日夢做下闊太都好, ^^

我哋就係坐佢車去佢舖頭食 lunch，當然... 係 free lunch 啦！多謝！

P.S. 1: 我比較樣衰，因為個妝係食完 lunch 先化，上面嗰個係素顏樣。

P.S. 2: Panda 口中嗰條唔係脷，其實係 fruit tart...

醫好五臟廟，返到演藝又要綵排，今次係 technical full run，要當正式咁去做。不過我哋已經開始滾瓜爛熟，冇乜壓力。

各同學都陸陸續續化好妝，我哋又開始周圍影相。

好多人都話我哋套衫好 sharp，好型... of course，因為係 Panda 幫我哋諗架。我哋由頭到尾都冇喺 rehearsal 中 full dress 過，估唔到原來又真係幾好睇，懶有 character 咁 ^^

同 d 小朋友玩下、自己吹下水、影下相、練習下，話咁快就到咗晚上 8:00。收到 honey 電話，佢同欣欣已經到咗後台門口，想入嚟同我影相。嘻，梗係懶型咁帶佢兩個入嚟啦...

↑ 估唔到暗地裡都有一條小蠻腰，仲隱約見到少量腹肌。

Surprise...... 多謝 honey 嘅打氣朱古力，^3^

好嘢，係 agnes b.，又可以狂食 lu....

Honey 幫我哋充當咗一輪攝影師後要趕入場啦。而我哋繼續影相、吹水、練習、或者替人哋打氣 (因為未輪到我哋出場)。

不過玩唔得幾耐，我哋就要上台啦... 好緊張，但係又好期待... 多謝 honey 連續兩晚都嚟捧場，仲幫我哋影咗好多靚相，錫晒你!

每人一隻色，用黑色襯底，打埋白燈... 原來真係好型，^^

呢張相好靚呀，d pose 好得!!!

仲有呢張相，係我大大大愛，感激老公幫我捕捉到呢一刻，^^

Panda 出場啦，佢只係跳咗 20 秒左右...

另一個好型的 end pose

加咗 special effect 嘅 end pose (from 大會)

跳完第一隻，大家都覺得好好玩。一返到後台，有好多人都話我哋跳得好型好齊... 真係嘅? 之後大家就要換下一隻歌嘅衫，預備下一隻舞。

第一隻舞因為係我哋 solo，所以 Panda 揀咗隻型嘅舞比我哋表演，服裝方面固然都係「型」字行頭。第二隻舞就要同一班跳 tango 嘅人一齊 gam，跳一隻比較 sexy 嘅歌，所以呢隻舞我哋就揀咗要著跌膊及 colorful (唔要被 tango d 人搶鏡嘛)。

換好衫後，又係大合照時間。期間見到老闆娘經過，佢又走入嚟同我哋一齊影。

話咁快就要出場，我草草 post 幾張出嚟就算 lu。

跳完呢隻舞就要準備謝幕。

再一輪致謝之後，第一場表演完滿結束。返屋企 lu....

************************************************

嚟到 showcase 第二日，由於已經有第一日嘅經驗，大會只要我哋 5:30 集合。再 quick rehearsal 一小 part 就準備開 show。Rundown 同第一日都係一樣，所以唔多講啦。

今晚致謝辭後，出咗去 lobby 影大合照。當然又係我哋喪影時間。

各人都同 Panda 影一張相，我 honey 都唔例外，仲交足戲添，wakaka

當晚我嘅御用攝影師 -- Mr. Au Yeung

經過兩日嘅 showcase，同一班拉丁舞同學都 friend 埋，佢哋竟然爭住同我哋影相，呢下真係有 d 估佢哋唔到。

↑ 連老闆娘都話要影。第一張就擺佢哋拉丁舞嘅 pose，第二張要跟返我哋 d pose 架，睇下我哋玩得幾開心。

影咗 N 咁多張相後，大會催大家去食慶功啦。我問咗老闆娘可唔可以叫埋 honey 去，佢當然冇問題啦。

慶功宴中，其實我哋安排咗另一個 surprise 比 Panda，當係答謝佢義務幫我哋排舞、剪歌、不停嘅 rehearsal 等等 (雖然我哋 8 個同學私底下夾咗 4 位數字嘅利是比佢，當請佢做我哋嘅排舞老師)，始終呢 d 濕碎嘢都浪費咗佢 d 私人時間。我哋成日都笑佢要教舞，又要做出面 d show，我都知我哋嗰 4 位數字利是唔算係 d 咩... 所以佢當晚成日都掛喺口邊：「我今次冇錢都應承做 (大會冇比錢佢)，係為咗我 d 學生架咋...」<--- 多謝晒喎~

所謂嘅 surprise，其實就係整咗個 5 lbs 蛋糕比佢，仲係佢最鐘意食嘅綠茶紅豆味 (後來先知個蛋糕 over $1,000，好彩係出自闊太同學嘅餅店 <-- 幾勁吖，又有餐廳又有餅店，後來佢只係收我哋 $500)。

當晚最開心應該係佢，個個當正佢係上賓咁招待，仲吸引咗好多家長爭住叫佢教自己個小朋友跳舞。亦都因為係卓悅贊助個 show，卓悅個老闆話 annual dinner 會搵 Panda 喎... 又撈一筆... 仲有呀，老闆娘仲斟緊叫佢開班教添呀!

2011年8月3日星期三

The day before showcase

2011 年 7 月 22 日 (星期五)

Hohohoho，終於都嚟到 show 前嘅大日子啦！捱過埋今日，就可以跳新歌，唔洗日日都 loop 住表演嗰兩隻歌啦，發達啦！我就快連發夢都識跳，呢兩隻歌會變成我嘅禁歌架啦！

Show 前一日，大會安排咗 lunch time 進行拜神儀式，祈求一連兩日嘅 showcase 順順利利！其實我冇特別宗教信仰，不過見大會咁有心特登安排喺 lunch time 搞（因為佢知我哋要返工），又見只係喺演藝學院咁近，有同學陪同底下就一齊去見識見識。（因為只有我同另一位同學喺灣仔區返工，所以都只係得我哋兩個做代表咋！）

到達演藝學院，我哋喺門口已經撞見工作人員，呢個就係我哋連續兩日 dancers 嘅出入口啦！以往成日睇 show，覺得可以入後台探班好鬼型，宜家自己都有機會啦，仲係以 dancer 身份添，哈哈，好白痴！