2011 年 7 月 8 日 (星期五)
繼續密集式嘅排舞訓練~~~
唔知係咪太密集嘅關係，同學間好似多咗傷兵出現。繼某同學隻手無端端冇力遞起後，今次輪到我了。星期六開始發覺右腳唔可以對摺，而且跪低時係超超超痛！其實我膝頭一直都有問題，因為本身大腿唔夠 strong，好多時令膝頭承受晒 d 力。當時即刻知驚，第一時間打電話比朋友問佢，因為佢以前都有類似徵狀，當時醫生診斷咗佢係半月板移位。其實半月板受傷係好大件事，手尾好長，小則要休息一年半載，大則以後不能做運動。
雖然朋友唔係註冊醫生，佢都係估計啫，我即刻向佢攞咗一位中醫電話，打算星期一朝早頭 7:00 起身特登出灣仔睇佢。人就係咁，硬係鐘意向壞嗰方面諗，我開始擔心我隻腳有事點算？如果醫生兜口兜面話比我聽我以後冇得跳舞，我 100% 肯定我會喊出嚟！老公叫我唔好亂諗，睇咗醫生先，或者情況冇想像中咁差。男人... 呢 d 時候就會用得著, ^^ 我係一個只會諗衰嘢嘅人！
2011 年 7 月 11 日 (星期一)
晨早 7:00 就起身，出到灣仔睇中醫。中間佢點醫我我 skip 咗唔交代啦，thank GOD! 原來... 醫生只係話我血液唔循環，心裡面不禁鬆咗一大口氣~ 等我仲籮籮攣擔心咗咁耐，嘻嘻！
醫生同我按下穴位，鬆下筋，仲試埋人生第一次比人 lock 頸。見前面嗰位婆婆比醫生做，佢好似好舒服咁喎~ 我本來好驚，不過醫生係突然間 lock 我頸，lock 完後我不禁大嗌咗一句 : 好舒服呀~ hahahahaha <--- 低 B 婆！
一輪醫治後，右腳終於可以屈返埋，嘻嘻，一種久違了嘅感覺~ 原來失去過先識得珍惜。呼~ 可惜我要戒食好多美食呀... dancemates 們話我咁忍得口戒得咁清，OF COURSE！曾經試過失去嘅感覺，就會用盡一切嘅辦法令佢唔好再受傷！
~*~*~*~*~*~*~ 12 days to go --- SHOWCASE ~*~*~*~*~*~*~*
練還練, 最緊要自己身體呀!!!
回覆刪除[版主回覆07/13/2011 11:18:00]我會架啦, 就係因為曾經受傷過, 先知原來身體每一 part 都好重要!
Take care & get well soon~
回覆刪除[版主回覆07/13/2011 17:29:00]Thanks Sharon! 今日個膝頭依然係痛緊, 我都唔知可以點算, 唯有等多幾日睇下有冇好轉, 如果仲痛的話我都係要再睇醫生~
嘩.. 好耐冇黎, 你好勁呀.. 有showcase.. 我都好鐘意跳舞架, 不過唔叻, 同埋冇跳好耐喇~
回覆刪除小心d, 跳舞用錯力好傷架~
[版主回覆07/14/2011 11:17:00]過獎啦~ 勁乜鬼吖~ 係勁嘅話就唔會到宜家先有 showcase...
我其實都唔係跳得好叻架咋, 不過真係鐘意, 所以先玩咗咁耐... 睇嚟真係要小心D保護自己, 冇得跳舞事小, 有咩事影響到日常生活就麻煩啦!
小心嘀, 休息多嘀, 做足熱身同 cool down
回覆刪除加油呀 ~~~
[版主回覆07/14/2011 11:20:00]多謝關心呀~ 其實我每次已經做半個鐘 warm up 架啦, 不過始終係自己冇重點 train 一 d 弱嘅部位, 所以好易傷, 但自從今次之後我學精咗架啦, ^^
我都好想跳呀... 你o係邊度跳架? 不過, 而家要湊仔仔.. 都未必花到時間呀~
回覆刪除[版主回覆07/15/2011 11:15:00]我以前喺 yoga 中心跳嘅, 後來佢哋倒閉, 不過攞咗 tutor 個電話, 宜家自組 class 之餘仲有去TST 跳 (Ones To Watch Dance Company)