尋日上網搵酒席資料時, 睇睇吓變咗睇花車... 其實我哋之前都有溝通過想租架倫敦的士做主花車架, 不過見大日子仲有排都未到, 諗住遲 d 先再諗啦~ 點知比我無意中發現原來有紫色嘅倫敦的士架, 見嚟見去都係粉紅, 白色等等.... 有我哋兩個最鐘意嘅紫色呀...就係呢個 blogger 嘅一幅相啦 (我同佢一樣都係鐘意PC狗架):
http://hk.myblog.yahoo.com/happy-wai/article?mid=142
尋日 bf 睇完幅相之後佢都話紫色呢架好靚, 梗係啦, 我哋都一樣鐘意紫色架, 所以宜家更加要決心租架倫敦的士做主花車先得!!! 求神拜佛, 我希望我大日子嗰日無人租紫色......
既然你地咁鍾意,遲多幾個月記得打去試車呀。
回覆刪除依家諗返真係無租錯倫敦的士,可能會有0的貴,不過如果坐普通benz會好迫,你知啦,我地著住大大件婚紗好麻煩架麻,倫敦的士好寬就唔怕啦。
回覆刪除[版主回覆03/05/2008 18:02:00]哈哈, 我阿爸都叫我唔好 side 錢租倫敦的士, 話坐返普通 benz 就算喎, 但係我緊係唔聽佢講啦, 結婚一生人一次, 既然搵到自己鐘意嘅花車梗係要 take action 啦! 講真阿達都算收得平架啦, 不過做父母嘅當然唔會明白啦!
我問左好多間,阿達係最平架啦!因為佢私人租麻,比較租其他車都係相差好多,而且一生人一次喎!緊係租架靚靚特別自己又鍾意既花車啦!我初時都唔知咩叫倫敦的士架,有一日我上網搵花車,問老公租咩好,佢就見到有倫敦的士,於是我就叫jm send0的相比我睇,一睇之後我就好鍾意,好特別,就係咁就揀做花車啦!多得老公既選擇。
回覆刪除普通benz坐位唔係好寬,到時著住件婚紗我覺得好迫,倫敦的士好寬就唔洗驚啦!
[版主回覆03/06/2008 11:03:00]係呀係呀, 我都同意! 既然搵到自己鐘意嘅車, 梗係用啦, 貴少少都唔緊要, 一世人一次嘛~
係喎, 你知唔知咁阿達有冇做埋其他車? 例如60座大巴或者24座van仔? 因為我都要租埋方便親戚朋友~
咁我又無問喎!我諗無掛,我都要租旅遊巴,我依家都搵緊。
回覆刪除[版主回覆03/06/2008 21:35:00]冇都唔緊要啦, 出去搵囉!
我未洗咁快搞租車, 慢慢都未遲, hehe
我搵完話你知啦!我都要用。
回覆刪除[版主回覆03/08/2008 12:00:00]Many thanks!!!