2011 年 3 月 12 日（星期六）
3 月 12 日 - 拍拖 10 週年!
唔經唔覺咁就 10 年啦, 宜家正為第 11 年灌溉~
當日, 我哋放咗工就去咗愉景灣! 上一次入嚟應該係 2009 年情人節, 嗰次歐陽生打算帶我去海灘旁邊睇廸廸尼煙花, 可惜有人擺烏龍記錯放煙花時間, 最終得個桔! 今次下午就已經到咗, 而且晚飯時仲揀咗間對海嘅餐廳食飯, 總算彌補咗前兩年嗰個遺憾... 煙花... 確實係幾靚, ^^
晚飯期間, 收到一份禮物:
非常非常、極之極之鐘意, 多謝老公!
拆開後急不及待為 iphone 著新衫, 從此愛不釋手, ^^
晚飯後, 估唔到仲有第二份神秘驚喜禮物:
agnes b. 手鈪呀, 實在太太太好啦~ 又一件愛不釋手嘅禮物, 呵呵!
******************************************************************************
2011 年 3 月 14 日（星期一）
白色情人節, 借 d 意兩口子又走去食飯 (唉, 平時佢好忙架, 搵佢食飯要預約 -_-" )。
放工後立即出發搵餐廳, 老公唔貴嗰 d 唔揀嚟食, 眼見兩日前嘅 10 週年已經洗咗唔少, 唔好再同自己荷包過唔去啦, 所以老公提議嘅餐廳盡量 ban ban ban~ 或者佢都意識到我潛在嘅抗拒, 帶咗我去另一間餐廳食, 我覺得好好玩 (注意, 係好好玩, 並非好好食)!
就係呢間 "Bang Bang Pan Pan"
淨睇門面, 以為佢係食韓國燒烤, 其實係自家燒燒餅至真!
當晚真係好好彩, 二人枱得返最後一張, 遲少少都要等位! 店員帶領我哋去咗 bar 枱坐。經過一輪研究後, 最後點咗兩款燒餅:
(1) 原味 - 豚肉 + 粟米 + 雞脾菇
(2) 咖哩味 - 肥牛 + 芝士 + 洋葱
第一步: 一定, 一定要將所有材料撈勻, 撈唔勻, 一陣煎起上嚟就會散架啦!
原來 d 料都幾滿幾多, 要撈勻都唔係一件易事~ 所以好容易撈到天一半地一半... 店員見狀, 叫我哋將盤上嘅料放返入碗內繼續撈...
Step 2: 撈好後, 要落油, 油滾就可以開始煎餅啦, 好有玩真實版 cooking mama feel~
煎緊嘅時候盡量唔好郁佢, 等佢 D 料同餡料混合, 然後再加上肉類, 再反轉! 反轉時都好講技巧, 一唔覺意就會飛咗出街... 哈~
反咗啦~ 燶燶地添... 賣相唔係太吸引... -_-"
當另外嗰面都煎熟後, 你塊 DIY 燒餅就誕生啦! 整色整水後, 賣相好似有 d 改進噃...
另一塊係咖哩味, 做法都係一樣~
um... 總括嚟講, 呢間餐廳都不過不失! 味道還可, 但煮法搭夠, 而且店員係非常非常 nice, 你份燒餅有乜唔妥佢一定會伸出援手~ 或者因為未必個個識得點煮! 初時被安排坐 bar 枱都覺得有 d 唔方便, 但原來食呢 d 燒餅, 坐 bar 枱著數 d, 店員照顧你嘅時間都多 d 啦, 哈~
